Zelenski Ukraynanın ABŞ-ın bütün real təklifləri ilə razılaşdığını bildirib

Ukrayna ABŞ-ın bütün real təklifləri ilə razılaşıb.

1xeber.media xəbər verir ki, Ukrayna Prezidenti Vladimir Zelenski bunu axşam çıxışında bildirib.

Dövlət başçısı vurğulayıb ki, "Biz atəşkəs təklifindən başlayaraq - qeyd-şərtsiz və uzunmüddətli - bütün real Amerika təklifləri ilə razılaşmışıq."

Zelenski daha əvvəl Ukraynanın təhlükəsizlik zəmanətləri ilə bağlı ABŞ şərtlərinə razı olmadığını bildirib. "Amerikalı dostlarımız təhlükəsizlik zəmanətləri hazırlayırlar. Amma onlar dedilər ki, "Əvvəlcə ərazi mübadiləsi və ya buna bənzər bir şey, sonra isə təhlükəsizlik zəmanətləri." Hesab edirəm ki, təhlükəsizlik zəmanətləri birinci yerdə olmalıdır", - deyə siyasətçi izah edib.

Ukrayna ilə bağlı yeni danışıqlar Cenevrədə keçiriləcək. Onlar 17-18 fevral tarixlərinə planlaşdırılıb.