Slovakiyanın Baş naziri Ukraynanı hədələdi

1xeber.media xəbər verir ki, Slovakiyanın Baş naziri Robert Fiko, Bratislavanın Rusiya neftinin Drujba boru kəməri vasitəsilə respublikaya daxil olmasına icazə verməkdə tərəddüd etdiyinə görə Ukraynaya qarşı tədbir görməyə hazır olduğunu açıqladı. 

"Əgər Ukrayna prezidentinin [Volodymyr Zelensky] bizə haqqımız olan, satın aldığımız şeyləri təmin etməkdə maraqlı olmadığını görsək, hökumət digər cavab tədbirlərinə də hazırdır", - Fiko bildirib. O, hansı tədbirlərdən danışdığını dəqiqləşdirməyib.

Slovakiyanın Baş naziri həmçinin Slovakiyanın Ukraynanın xidmətçisi olmadığını da təkrarlayıb.

Daha əvvəl Fiko Ukraynanı Aİ üzv dövlətlərinə hörmətsizlik etməkdə günahlandırıb.