Daşkəsəndə Gəncə sakininin başına daş düşdü

Daşkəsən rayonunda bədbəxt hadisə baş verib.

1xeber.media-nın məlumatına görə, hadisə rayon ərazisində yerləşən qızıl mədənlərindən birində qeydə alınıb.

Belə ki, Gəncə şəhər sakini, 1993-cü il təvəllüdlü C. Məhərrəmov işlədiyi mədəndə ehtiyatsızlıq nəticəsində başına daş parçasının düşməsi səbəbilə xəsarət alıb. O, kəllə-beyin travması və baş nahiyəsinin yaralanması diaqnozu ilə xəstəxanaya yerləşdirilib.

Yaralıya dərhal tibbi yardım göstərilib. Hazırda 33 yaşlı kişinin vəziyyətinin orta-ağır olduğu bildirilir.

Faktla bağlı aidiyyəti qurumlar tərəfindən araşdırma aparılır.