Ər-Riyaddan şəxsi təyyarə ilə təxliyənin dəyəri açıqlanıb

İran raketləri və dronları həftəsonu Əbu-Dabi, Dubay, Qətər və Bəhreynə zərbə endirdikdən sonra Körfəz Ərəbistanı elitası bölgədən panika içində qaçır.

1xeber.media xəbər verir ki, Səudiyyə Ərəbistanı yeganə fəaliyyət göstərən çıxış dəhlizinə çevrilib.

Mənbələrə görə, özəl təhlükəsizlik şirkətləri Dubaydan Ər-Riyada müştəriləri daşımaq üçün yolsuzluq avtomobilləri parkı təşkil edir - səhrada on saatlıq yol münaqişə zonasından qaçmaq istəyənlər üçün yeganə quru yoluna çevrilib.

Təxliyə edilənlər arasında qlobal maliyyə korporasiyalarının yüksək vəzifəli rəhbərləri və tətil və ya iş üçün bölgəyə gələn varlı səyahətçilər var. Təcili "təxliyə" tələbi qiymətlərin kəskin şəkildə artmasına səbəb olub. Vimana Private broker şirkətinin baş direktoru Əmir Naranın sözlərinə görə, Ər-Riyaddan Avropaya özəl uçuşların qiyməti 350.000 dollara çatıb. Naran vurğulayıb ki, "Səudiyyə Ərəbistanı hazırda bölgəni tərk etmək istəyənlər üçün yeganə mümkün seçimdir".

28 fevral səhəri İsrail İrana hücum edərək bunu "qabaqlayıcı" adlandırıb. The New York Times qəzetinin məlumatına görə, Tehrana edilən hücumlarda ABŞ da iştirak edir. Əl-Cəzirə öz növbəsində ABŞ və İsrailin hücumlarının İslam Respublikasının təhlükəsizliyini pozmağa yönəldiyini iddia edir.