Makron ABŞ və İsrailin İrana qarşı əməliyyatını tənqid etdi

Fransa Prezidenti Emmanuel Makron ABŞ və İsraili İrana qarşı hərbi əməliyyatlara başladıqlarına görə tənqid edib. Siyasətçi qeyd edib ki, İslam Respublikasına qarşı hücumlar beynəlxalq hüququ pozur

1xeber.media xəbər verir ki, Fransa liderinin bəyanatı Yelisey Sarayının saytında dərc edilib.

"Yaxın Şərqdə müharibə yenidən başlayıb. Bu, ABŞ və İsrailin İrana qarşı hücumları nəticəsində başlayıb, regiona yayılıb və hamı üçün sülh və təhlükəsizlik üçün ağır nəticələrə səbəb olub", - Makron deyib.

Prezident vurğulayıb ki, Fransa Vaşinqton və Təl-Əvivin Tehrana hücumunu qəbul edə bilməz, çünki hərbi əməliyyatlar beynəlxalq hüququ pozub.

Bir müddət əvvəl Makron dünya miqyasında münaqişə riski səbəbindən ölkənin nüvə arsenalının artırıldığını elan etmişdi. O, Fransanın "inkişaf etmiş nüvə çəkindirmə" dövrünə qədəm qoyduğunu və bütün Avropa qitəsi baxımından düşünməyin vacibliyini bildirib.