Rusiyada məşhur avtomobil brendlərinin satışları kəskin şəkildə aşağı düşüb

Rusiya bazarında Lixiang satışları azalmaqda davam edir. 2026-cı ilin yanvar və fevral aylarında 1052 yeni Lixiang avtomobili qeydiyyata alınıb ki, bu da ötən ilin eyni dövrü ilə (1650 ədəd) müqayisədə 36 faiz azdır.

1xeber.media xəbər verir ki, Analitik Sergey Tselikov bu məlumatları öz Telegram kanalında dərc edib.

Ekspertin sözlərinə görə, Rusiyada ən populyar brendlərdən biri iki il əvvəl yalnız bir səbəbdən sürətlə azalmağa başlayıb: qiymətlərin əhəmiyyətli dərəcədə artması.

Hesabat dövründə ən yüksək tələbat L7 hibrid krossoverinə (564 ədəd), ardınca L6 (312) və L9 (166) olub. Ekspert qeyd edib ki, 2025-ci ildə ilkin olaraq 13100 Lixiang avtomobili qeydiyyata alınıb ki, bu da əvvəlki illə (23200) müqayisədə 44 faiz azdır.

Daha əvvəl Çində minik avtomobillərinin satışlarının fevral ayında 15 faiz azaldığı bildirilirdi. Ay ərzində satışlar ümumilikdə 1,8 milyon ədəd təşkil edib. Lakin daxili tələbatın azalması fonunda Çin istehsalçıları xarici ölkələrə tədarüklərini artırıblar.