Bundestaq Scholz-a etimadsızlıq səsverməsi keçirdi

1xeber.media xəbər verir ki, dekabrın 16-da Bundestaq Almaniya kansleri Olaf Şolz hökumətini etimaddan məhrum edib.

Bu o deməkdir ki, ölkədə növbədənkənar parlament seçkiləri keçiriləcək.Ümumilikdə 717 səsvermə bülleteni olub, lehinə 207, əleyhinə 394, bitərəf 116 deputat səs verib.

“Kanslere etimad məsələsini təsdiqləmək üçün ən azı 367 səs lazımdır. Federal kanslerin irəli sürdüyü tələb bu çoxluğa çatmayıb. Səsvermənin nəticələri barədə dərhal  Almaniya Prezidenti Frank-Valter Ştaynmayerə məlumat verəcəyəm.

Beləliklə, biz bugünkü gündəliyin, eləcə də hakim koalisiyanın sonuna gəldik”, - deyə Bundestaqın prezidenti Barbel Bas səsvermənin nəticələrini elan etdikdən sonra bildirib.

Scholz dekabrın 11-də Almaniyanın Federal Kansleri kimi ona etimad göstərilməsinə dair sorğunu imzalayıb və Bundestaqa göndərib.