İran səfiri yeni Ali Liderin Rusiyaya gəlişi ilə bağlı xəbərlərə cavab verib

İranın yeni Ali Lideri Ayətullah Müctəba Xameneinin müalicə üçün Rusiyaya gəlişi ilə bağlı xəbərlər yalandır.

1xeber.media xəbər verir ki, İranın Moskvadakı səfiri Kazım Cəlali sosial mediada bildirib.

Diplomat yazıb: "İnqilabın Ali Liderinin müalicə üçün Rusiyaya köçürülməsi xəbəri yeni psixoloji müharibə kampaniyasıdır. İran liderlərinin sığınacaqlarda qaçıb gizlənməyə ehtiyacı yoxdur; onların yeri küçələrdə, xalqın arasındadır".

Daha əvvəl Rusiya Prezidentinin mətbuat katibi Dmitri Peskov Kremlin Müctəba Xameneinin müalicə üçün Moskvaya gəlişi ilə bağlı xəbərlərə münasibət bildirməyəcəyini bildirmişdi.

Küveytin "Əl-Cəridə" nəşri bir mənbəyə istinadən İranın yeni Ali Liderinin yüksək məxfi əməliyyat çərçivəsində Rusiya hərbi təyyarəsi ilə Moskvaya təxliyə edildiyini bildirmişdi.