ABŞ Hörmüz boğazındakı gəmiləri dövlət proqramı vasitəsilə sığortalanmağa məcbur edəcək

1xeber.media xəbər verir ki,ABŞ administrasiyası Hörmüz boğazında ABŞ Hərbi Dəniz Qüvvələri tərəfindən müşayiət olunan gəmilərin ölkə hökuməti vasitəsilə sığortalanmasını məcburi etmək imkanını nəzərdən keçirir, deyə “Financial Times” nəşri yazır.

ABŞ Hörmüz boğazındakı gəmiləri özəl bazar əvəzinə, DFC proqramı və “Chubb” şirkəti vasitəsilə dövlət sığortası rəsmiləşdirməyə vadar edə bilər. ABŞ Hərbi Dəniz Qüvvələrinin mühafizəsi altında olan təkrar sığortanın məbləği 20 milyard dollara çata bilər. Gəmi sahibləri gəminin korpusunu, mexanizmlərini və yükünü sığortalamalı olacaqlar. Vaşinqtonun bu xidmətlərdən əldə edəcəyi gəlirlər on milyonlarla dollar həcmində qiymətləndirilir.

Ekspertlər ABŞ prezidenti Trampın vəd etdiyi müdafiənin reallığı ilə bağlı “əhəmiyyətli qeyri-müəyyənlik” barədə xəbərdarlıq edirlər. ABŞ Hərbi Dəniz Qüvvələri İranın dron, raket və partlayıcı maddə daşıyan sürətli qayıqlarla hücum təhdidlərini minimuma endirən müşayiət sxemi axtardığı müddətdə – ən azı bir həftə ərzində sığorta təminatı əlçatan olmayacaq. Bu təhdidlərin qarşısının alınması prosesdə əsas amil hesab olunur.