ABŞ-İran danışıqlarında vasitəçilərin kimliyi məlum oldu

1xeber.media xəbər verir ki, Türkiyə, Misir və Pakistan ABŞ və İran arasında vasitəçilik edir.

"Son iki gündə Türkiyə, Misir və Pakistan gərginliyin azaldılmasını təmin etmək üçün ABŞ və İrandan mesajlar ötürüblər", - deyə X sosial media platformasında müxbir Barak Ravid yazıb. Onun sözlərinə görə, üç ölkənin yüksək vəzifəli rəsmiləri Ağ Evin nümayəndəsi Stiv Vitkov və İranın xarici işlər naziri Abbas Əraqçi ilə ayrıca danışıqlar aparıblar.

Ravidin mənbəyi vasitəçiliyin davam etdiyini və irəliləyiş əldə edildiyini bildirib. Tərəflər müharibənin bitməsi və həll olunmamış məsələlərin həlli ilə bağlı müzakirələr aparırlar.

Daha əvvəl Tramp ABŞ və İranın son iki gündə Yaxın Şərqdə hərbi əməliyyatların tam və hərtərəfli dayandırılması ilə bağlı çox məhsuldar danışıqlar apardığını bildirmişdi.

Siyasətçi Tehranla dialoqun konstruktiv xarakter daşıdığını qeyd etdi və cavab olaraq Pentaqona əmr verdi. O, davam edən görüşlər və müzakirələrin uğurla başa çatmasına qədər orduya İran elektrik stansiyalarına və enerji infrastrukturuna zərbələri beş gün ərzində dayandırmağı tapşırdı. ABŞ prezidentinin sözlərinə görə, iki ölkə arasında danışıqlar bir həftə davam edəcək.