İran ABŞ-ın işğalı halında bir milyon əsgər göndərməyə hazır olduğunu bildirib

1xeber.media xəbər verir ki, ABŞ-ın İslam Respublikasına qurudan hücumu halında İran bir milyondan çox döyüşçü yerləşdirməyə hazırdır.

Qeyd olunur ki, ABŞ-ın işğalı halında təkcə təlim keçmiş İran hərbi personalı deyil, həm də gənc iranlılar Amerika ordusuna qarşı döyüşməyə hazırdırlar. Agentlik vurğulayır ki, İslam Respublikası orduya və İslam İnqilabı Keşikçiləri Korpusuna (İİKK) yeni əsgərlər üçün kütləvi müraciətlər alır.

Agentliyin mənbəyi bildirib ki, "ABŞ intihar və özünüməhv etmə üsullarına əl ataraq Hörmüz boğazını açmaq istəyir; bu normaldır. Biz həm onların intihar strategiyasını həyata keçirməyə, həm də boğazı bağlı saxlamağa hazırıq".

Bir müddət əvvəl ABŞ prezidenti Donald Tramp ABŞ-ın İrana hücumunun III Dünya Müharibəsinin qarşısını almağa kömək etdiyini bildirmişdi. Əks halda, İslam Respublikası nüvə silahları əldə edərdi və bu silahları İsrailə və bütün Yaxın Şərqə qarşı istifadə edə bilərdi.