NATO Ukraynaya hərbi yardımın koordinasiyasını ABŞ əvəzinə öz üzərinə götürüb

ABŞ-ın əvəzinə Ukraynaya hərbi yardımın göndərilməsinin koordinasiyasını NATO öz üzərinə götürüb.

1xeber.media xəbər verir ki, bu barədə dekabrın 17-də mənbəyə istinadən Reuters agentliyi məlumat yayıb.

Hesabatda deyilir: “Bir neçə aylıq gecikmədən sonra atılan addım NATO-ya münaqişədə daha fəal rol verəcək”.Qeyd olunur ki, Şimali Atlantika Alyansından xüsusi hərbi əməliyyat (SVO) zonasına öz hərbi personalını göndərmək tələb olunmayacaq.

Mənbənin sözlərinə görə, NATO-nun hərbi yardımın koordinasiyasındakı rolu Kiyevə hərbi yardıma şübhə ilə yanaşan ABŞ-ın yeni seçilmiş prezidenti Donald Trampın gələcək addımlarından “dəstək mexanizmini qorumaq” cəhdidir.

Eyni zamanda, materialda qeyd olunur ki, bu tədbirin təsiri “məhdud” ola bilər, çünki NATO-nun dominant qüvvəsi ABŞ-dır.