ABŞ Mərkəzi Komandanlığı admiral Kuperin İsrailə səfərini təsdiqləyib

1xeber.media xəbər verir ki,ABŞ Silahlı Qüvvələrinin Mərkəzi Komandanlığı CENTCOM komandanı admiral Bred Kuperin bu həftə İsrailə səfər etdiyini rəsmən təsdiqləyib. Bazar və bazar ertəsi günləri İsrail Ordusu (SAXAL) Baş Qərargah rəisi general-leytenant Eyal Zamir ilə görüşlər keçirilib.

CENTCOM nümayəndəsi kapitan Tim Hokinsin verdiyi məlumata görə, tərəflər aşağıdakı məsələləri müzakirə ediblər:

İranın hərbi gücünün zəiflədilməsi üzrə cari əməliyyatların gedişatı;

İranın öz sərhədlərindən kənarda güc nümayiş etdirmək imkanlarının məhv edilməsində əldə olunan irəliləyiş;

Fəaliyyətlərin növbəti koordinasiyası.

Səfərinin sonunda Kuper əməliyyatda iştirak edən ABŞ bölmələrinə də baş çəkib. Admiral münaqişənin ilk həftələrində müstəsna uğur qazanan 40-dan çox hərbi qulluqçunu mükafatlandırıb.