İran tab gətirmir - Financial Times-dan İDDİA

İran artıq münaqişənin ilk günlərində müşahidə olunan atəş intensivliyini qoruyub saxlamaq iqtidarında deyil.

1xeber.media xəbər verir ki,“Financial Times” nəşrinin sorğu-sual etdiyi ekspertlər vəziyyəti belə qiymətləndirirlər.

Tehranın dərin yeraltı bunkerlərdə gizlədilmiş müasir bərk yanacaqlı raket ehtiyatları qalsa da, ABŞ və İsrailin yığma sexlərinə və anbarlara endirdiyi sistemli zərbələr müharibənin loqistikasını dəyişib. Hazırda İran ordusu sursatları hərbi sənaye kompleksinin istehsal gücündən xeyfili sürətlə xərcləyir.

Milli Təhlükəsizlik Tədqiqatları İnstitutunun (INSS) analitiki Denni Sitrinoviç qeyd edir ki, Tehran artıq sağ qalmaq strategiyasına keçib və uzunmüddətli münaqişəni nəzərə alaraq raket və dronlara qənaət etməyə məcburdur. Onun proqnozlarına görə, hətta hazırkı azaldılmış atəş tempində belə, İranın mövcud ehtiyatları cəmi bir neçə həftəyə kifayət edəcək.

ABŞ və İsrailin yığma xətlərini və anbarları metodik şəkildə sıradan çıxarmağa yönəlmiş strategiyası dəqiq nəticə verir: öz konveyerin xarabalıqlar içindədirsə, tükəndirmə müharibəsini udmaq qeyri-mümkündür.

“Financial Times”ın analitikası təsdiqləyir ki, İran ordusu üçün hücum imkanları pəncərəsi sürətlə daralır. İsrail və ABŞ-ın hava hücumundan müdafiə sistemlərini iflic etməli olan kütləvi yaylım atəşi taktikasından imtina edilib nadir buraxılışlara keçilməsi rejimin uzun və ağır müharibəyə hazırlaşdığını göstərir.

Bu şəraitdə zaman Tehranın əleyhinə işləyir: münaqişənin hər yeni günü onun zərbə potensialının tamamilə tükənməsi anını qaçılmaz olaraq yaxınlaşdırır.