Kallas Hörmüzdən danışdı

İranın ölkələrdən gəmilərin Hörmüz boğazından keçidinə görə ödəniş almasına yol vermək olmaz

1xeber.media xəbər verir ki,bu barədə Kallas danışıb.

“Bu su yolu qlobal ictimai sərvətdir. İranın ölkələrdən gəmilərin keçidinə görə ödəniş almasına icazə vermək olmaz”.

“Beynəlxalq hüquq “keçid haqqı” sxemlərini tanımır”.

“Bu gün biz təhlükəsiz gəmiçiliyin bərpası üçün diplomatik, iqtisadi və təhlükəsizlik sahəsində tədbirləri, həmçinin gəmiçilik sənayesi ilə qarşılıqlı fəaliyyəti müzakirə etdik”.

“Avropa İttifaqının “Aspides” hərbi-dəniz missiyası artıq Qırmızı dənizdə 1700 gəmiyə dəstək göstərib və genişləndirilməlidir. Biz daha bir kritik əhəmiyyətli ticarət marşrutunu itirə bilmərik”.

“Biz BMT-nin boğazda ərzaq və gübrələrin daşınması üçün humanitar dəhlizlərin yaradılması istiqamətində işini dəstəkləyirik. Avropa İttifaqının tranzitin izlənməsi və ona dəstək göstərilməsi üçün alətləri var və bunlar bu işə kömək edə bilər”, - Avropa diplomatiyasının rəhbəri Hörmüz boğazındakı vəziyyətlə bağlı 40 ölkənin xarici işlər nazirlərinin görüşünün yekununda yazıb.