Tramp Vensin yeni vəzifəsini açıqladı

ABŞ Prezidenti Donald Tramp vitse-prezident J.D. Vensin yeni vəzifəsini elan edərək onu "Saxtakarlıq Çarı" adlandırdı.

1xeber.media xəbər verir ki, o, bunu sosial media səhifəsi TruthSocial-da yazıb.

O, Vensin artıq ABŞ-da "kütləvi və geniş yayılmış" "saxtakarlıq"la mübarizə aparmaqdan məsul olduğunu bildirib. Tramp əlavə edib ki, bu vəzifə üzərində prezident administrasiyasının bir çox üzvü ilə işləyəcək və bu, ölkənin gələcək uğurunu müəyyən edən əsas amil olacaq.

Ağ Ev rəhbəri bildirib ki, "Biz onu "Saxtakarlıq Çarı" adlandıracağıq və onun diqqəti geniş yayılacaq, lakin xüsusilə Kaliforniya, İllinoys, Minnesota (Somali - diqqətli olun!), Men, Nyu-York və bir çox başqa ştatlardakı korrupsiyalaşmış Demokrat siyasətçilərin vergi ödəyicilərinin vəsaitlərinin misli görünməmiş şəkildə mənimsənilməsində "sərbəst şəkildə" hərəkət etdikləri sözdə "mavi ştatlar"a yönələcək.

Tramp oğurluğun miqyasının o qədər geniş olduğunu vurğulayıb ki, uğurlu olarsa, ABŞ büdcəsini tarazlaşdıra bilər.

Daha əvvəl ABŞ prezidenti Baş prokuror Pam Bondi vəzifəsindən uzaqlaşdırıb. O, qadının özəl sektorda yeni, təcili ehtiyac duyulan və vacib bir vəzifəyə köçürülməsinin tezliklə elan ediləcəyini bildirdi.