Zaxarova Zelenskinin istefa ehtimalını qiymətləndirdi

1xeber.media xəbər verir ki, Rusiya Xarici İşlər Nazirliyinin sözçüsü Mariya Zaxarova RİA Novosti agentliyinə bildirib ki, Ukrayna Prezidenti Vladimir Zelenskinin təkbaşına hakimiyyətdən getdiyini təsəvvür etmək mümkün deyil.

Zaxarova qeyd edib ki, "Kim təsəvvür edə bilər ki, hakimiyyət ehtirası ilə dolu, bütün mümkün günah və ehtiraslara qərq olmuş bir adam təkbaşına gedəcək".

Onun sözlərinə görə, Qərb ölkələri Zelenskiyə böyük sərmayə qoyublar və onun hazırkı vəzifəsindən getməsinə imkan vermələri ehtimalı azdır.

Bir müddət əvvəl Ukraynanın keçmiş Baş naziri Nikolay Azarov demoqrafik böhrana baxmayaraq, Zelenskinin ölkəsinin xalqına qayğı göstərmədiyini bildirmişdi.