Xameneyi bütün hərbi hissələrə atəşi dayandırmağı əmr edib

"Bu, müharibənin sonu deyil, lakin bütün qoşun növləri Ali Rəhbərin əmrinə tabe olmalı və atəşi dayandırmalıdır", — deyə bəyanatda bildirilir.

Bu arada, İran mediası yazır ki, silahlı qüvvələr "demək olar ki, avtonom şəkildə və yeraltı bazalardan" fəaliyyət göstərdiyi üçün SEPAH-ın hücumları daha bir neçə saat davam edəcək. Məlumatın ötürülməsi üçün onlara müəyyən vaxt lazımdır, çünki "onlarla nə telefon, nə də internet rabitəsi yoxdur".

1xeber.media -nın məlumatına görə,Associated Press xəbər verir ki, İran və Oman iki həftəlik atəşkəs planına uyğun olaraq Hörmüz boğazından keçən gəmilərdən rüsum yığacaqlar: "İran bu vəsaitləri bərpa işləri üçün istifadə edəcək, Omanın planları isə qeyri-müəyyən olaraq qalır".

İranın birinci vitse-prezidenti Məhəmməd Rza Arif isə eyni zamanda bəyan edib ki, İran "ABŞ və İsrail ilə gələcək qarşıdurmanın istənilən ssenarisinə hazırdır": "Hökumət bütün hallar üçün zəruri tədbirləri təfərrüatlı şəkildə hazırlayıb. Biz hər cür təhdidə hazırıq".

İsrail nəşrləri yazır ki, İsrail "İran və Livanda atəşi rəsmən dayandırıb".