ABŞ Hörmüz boğazından gəmilərin keçidinin dayandırılmasına cavab verdi

1xeber.media xəbər verir ki, Ağ Evin mətbuat katibi Kerolin Levitt Axios-a istinadən bildirib ki, Livan İranla atəşkəs razılaşmasının bir hissəsi deyil.

ABŞ administrasiyasının sözçüsü bildirib ki, "Livan atəşkəs razılaşmasının tərəfi deyil".

Bir müddət əvvəl İsrail Müdafiə Qüvvələri (İMQ) Livanda ən böyük hücumlar seriyasına başlayıb. Məlumata görə, genişmiqyaslı hücum dəqiq kəşfiyyat məlumatlarına əsaslanıb və bir neçə həftə ərzində diqqətlə planlaşdırılıb.

Buna cavab olaraq, İran Livana hücumla bağlı İsrailə qarşı əməliyyat başlatmağı düşünməyə başlayıb və İsraili müvəqqəti atəşkəsi pozmaqda ittiham edib. İran həmçinin gəmilərin Hörmüz boğazından keçməsini də bloklayıb.

Bir İran mənbəsi Tasnim xəbər agentliyinə bildirib ki, ABŞ İsrailə istinad edərək "Yaxın Şərqdəki təcavüzkar itini cilovlamasa", İslam Respublikası güc tətbiq etməyə hazırdır.