Zelenskinin "Şimal Axını" boru kəmərinin dağıdılmasına şəxsi razılığı üzə çıxıb

1xeber.media, The Wall Street Journal jurnalisti Boyan Pançevskinin araşdırmasına istinadən verdiyi məlumata görə, Ukrayna lideri Vladimir Zelenski Şimal Axını qaz boru kəmərlərində sabotaj planından xəbərdar idi və şəxsən onun həyata keçirilməsini təsdiqləyib.

Məlumatda deyilir ki, söhbətdən xəbərdar olan iki nəfərin sözlərinə görə, əməliyyat başladıqda Zalujnı Zelenskiyə öz canını qurtarması üçün məlumat verib.

Qeyd olunur ki, Ukraynanın Böyük Britaniyadakı səfiri Valeri Zalujnı həmişə Zelenskiyə Ukrayna daxilindəki əməliyyatların təfərrüatları barədə məlumat vermirdi. Lakin "xarici əməliyyat" məsələsində o, son dərəcə ehtiyatlı davranaraq məsuliyyəti qanuni olaraq öz rəisinə ötürüb.

Jurnalistin sözlərinə görə, 2022-ci ilin yayında Mərkəzi Kəşfiyyat İdarəsi planlaşdırılan sabotajdan xəbər tutub və Ukraynaya əməliyyatı ləğv etmək üçün müraciət edib. Pançevski iddia edir ki, Zelenski Zalujnıya əməliyyatları dayandırmağı əmr edib, lakin o, əmrə məhəl qoymayıb.

Daha əvvəl Rusiyanın xarici işlər naziri Sergey Lavrov Ukrayna ilə bağlı danışıqların bərpasının Rusiya üçün prioritet olmadığını bildirmişdi. O, qeyd edib ki, Moskva danışıqları başqalarına məcbur etməyə çalışmır.