Rusiyanın iki desant gəmisi məhv edildi

Ukrayna ordusu aprelin 19-da Krımda Rusiya Qara dəniz donanmasına məxsus desant gəmilərinə zərbələr endirib.

1xeber.media xəbər verir ki, bu barədə Ukrayna Baş Kəşfiyyat İdarəsi məlumat yayıb.

“Aprelin 19-da Ukrayna Baş Kəşfiyyat İdarəsinin "Kabuslar" xüsusi təyinatlı dəstəsi Krımda Rusiyanın “Yamal” və “Nikolay Filçenkov” adlı iki böyük desant gəmisinə hücum edib. Nəticədə hər iki gəmi sıradan çıxarılıb”, - məlumatda qeyd olunub.

Zərbələr zamanı hər iki gəmi Sevastopol buxtasında olub.

Gəmilərin qiymətinin ümumilikdə 150 milyon dollar olduğu bildirilib.