İsrail 200 milyon dollarlıq silah alır

İsrail Müdafiə Nazirliyi müdafiə şirkəti "Elbit Systems"dən təxminən 200 milyon dollar dəyərində qabaqcıl hava sursatı sifariş edib. Bu satınalmalar İrana qarşı hərbi əməliyyatların bir hissəsidir.

1xeber.media xəbər verir ki, bu barədə şirkət açıqlama yayıb. 

Qeyd olunur ki,  "Elbit Systems" "hava silahları sahəsində texnoloji liderdir" və İsrail Müdafiə Nazirliyi ilə uzun müddətdir ki, tərəfdaşdır. Şirkətin sözlərinə görə, onun sursatları İsrail Hərbi Hava Qüvvələrinin hava üstünlüyünü təmin edən amillərdən biridir.

"Haaretz" qəzetinin məlumatına görə, İsrail Müdafiə Nazirliyi razılaşmanın "silah sektorunda müstəqilliyi" gücləndirməyə və "təcili döyüş ssenariləri"nə və "intensiv onillik təhlükəsizliyin" hazırlığını artırmağa yönəldiyini açıqlayıb.

İsrailin müdafiə naziri İsrael Katz isə bildirib ki, razılaşma ölkənin sursat təchizatında özünütəminatını gücləndirmək strategiyasının bir hissəsidir.

Bu alışlar fonunda, Qəzzadakı müharibə səbəbindən İsrailə silah embarqosu tətbiq etmək üçün beynəlxalq çağırışlar davam edir. Qəzza Səhiyyə Nazirliyinin məlumatına görə, 7 oktyabr 2023-cü ildən bəri İsrailin hücumları nəticəsində 72.652 nəfər həlak olub, daha 172.320 nəfər yaralanıb.