"Livanı dərhal tərk edin!" - ABŞ-dən xəbərdarlıq

ABŞ-nin Beyrutdakı səfirliyi Livandakı təhlükəsizlik vəziyyətini yaxından izləyir. 

1xeber.media xəbər verir ki, bu barədə səfirlik məlumat yayıb. 

Təhlükəsizlik vəziyyətinin mürəkkəb olaraq qaldığı və sürətlə dəyişə biləcəyi vurğulanır.

"Biz ABŞ vətəndaşlarını kommersiya uçuşları hələ də mövcud olduğu müddətdə Livanı tərk etməyə çağırırıq. Livanı tərk etməməyi seçən ABŞ vətəndaşlarını təcili planlar hazırlamağa və hər hansı yeni inkişaf üçün xəbərləri izləməyə təşviq edirik", - ABŞ səfirliyinin açıqlamasında deyilir.

Hesabata görə, partlamamış hərbi sursat hərbi əməliyyatların aparıldığı ərazilərdə təhlükə yaradır.