İran yeni təkliflər paketini təqdim etdi - YENİLƏNİB

İran yeni təkliflər paketini Pakistana göndərib. 

1xeber.media xəbər verir ki, bu barədə IRNA agentliyi məlumat yayıb. 

Məlumata görə, İran uzunmüddətli atəşkəs müzakirəsi üçün yeni təklifin mətnini Tehran və Vaşinqton arasında danışıqlarda vasitəçilik edən Pakistana göndərib.

***

İran bu gün, 1 may tarixindən etibarən Yaxın Şərq münaqişəsinin həlli üçün yenilənmiş sülh təklifi təqdim edə bilər.

1xeber.media xəbər verir ki, bu barədə CNN məlumat yayıb. 

"ABŞ prezidenti Donald Trampın əvvəlki versiyanı rədd etməsindən sonra Pakistan vasitəçiləri İrandan yenilənmiş sülh təklifi gözləyirlər. Mənbələr cavabın cümə günü gələ biləcəyini bildiriblər" .

Kanalın məlumatına görə, Tramp bildirib ki, İranla danışıqların gedişatını yalnız özü və seçilmiş bir qrup insan bilir. Ağ Ev rəhbərinin sözlərinə görə, danışıqlar "ictimai olaraq çıxılmaz vəziyyətə düşmüş kimi görünsə də", davam edir.

Tramp əvvəllər ABŞ-nin İranı artıq məğlub etdiyini, lakin "böyük fərqlə" qalib gəlmək istədiyini söyləmişdi.