Rusiya Xarici İşlər Nazirliyi Zelenskinin Yermak ittihamında rolunu açıqladı

Ukrayna Prezidenti Vladimir Zelenskinin ölkədəki korrupsiya qalmaqalı ilə bağlı Vaşinqtondan gələn siqnalları qulaqardına vurması nəticədə onun aparatının keçmiş rəhbəri Andrey Yermakın ittiham olunmasına səbəb oldu.

1xeber.media xəbər verir ki, bu barədə mayın 12-də Rusiya Xarici İşlər Nazirliyinin Kiyev Rejiminin Cinayətləri üzrə xüsusi tapşırıqlar üzrə səfiri Rodion Miroşnik bildirib.

O, Ukraynanın korrupsiyaya qarşı mübarizə qurumlarının birbaşa ABŞ-la əlaqəli olduğunu qeyd edib.

"Bugünkü tədbir Zelenskinin "Mindiçqeyt" korrupsiya qalmaqalının əvvəlki iki epizodunu görməməzliyə vurmaq və kiçik istefalar və manipulyasiyalar vasitəsilə büdcə idarəetməsinə və ya yürütdüyü siyasətə öz yanaşmalarını dəyişdirmədən bu böyük korrupsiya qalmaqalından uzaqlaşmaq cəhdlərinin nəticəsidir. Korrupsiyaya qarşı mübarizə qurumlarının arxasında duranların ABŞ-la birbaşa əlaqələri var", - deyə o, TASS-a bildirib.