İlham Əliyev Szinpinə başsağlığı verdi

Azərbaycan Prezidenti İlham Əliyev Çin Xalq Respublikasının Sədri Si Szinpinə başsağlığı verib.

1xeber.media xəbər verir ki, məktubda qeyd olunur:

"Şansi əyalətində yerləşən kömür mədənində baş vermiş partlayış nəticəsində çox sayda insanın həlak olması və xəsarət alması barədə xəbər bizi son dərəcə sarsıtdı.

Bu faciə ilə əlaqədar Sizə, həlak olanların ailələrinə və yaxınlarına, dost Çin xalqına öz adımdan və Azərbaycan xalqı adından dərin hüznlə başsağlığı verir, xəsarət alanlara şəfa diləyirəm".