Filippində 7,8 ballıq zəlzələ oldu - Anbaan video (YENİLƏNİB)

Filippinin cənub sahillərində baş verən 7,8 bal gücündə güclü zəlzələ nəticəsində 12 nəfər ölüb, 200-dən çox insan yaralanıb.

1xeber.media xarici KİV-ə istindən xəbər verir ki, Mindanaonun şimal və mərkəzi hissəsində məktəblər, xəstəxanalar və evlər də daxil olmaqla ən azı 37 binaya ziyan dəyib. Zərər çəkmiş ərazilərdə ziyanın qiymətləndirilməsi davam edir və polis ictimaiyyətə kömək göstərmək üçün səfərbər olunub.

***

Filippinin cənubundakı Mindanao bölgəsində 7,8 bal gücündə zəlzələ baş verib.

1xeber.media xəbər verir ki, bu  barədə ABŞ Geoloji Xidməti (USGS) məlumat yayıb. 

Zəlzələ arxipelaqın bəzi yerlərində binaların uçması və bir neçə nəfərin ölümü ilə nəticələnib.

Mülki Müdafiə İdarəsinin məlumatına görə, bir neçə ölüm hadisəsi təsdiqlənib, itkilərin artacağı bildirilir. 

Ölkənin seysmologiya agentliyi Filippin Vulkanologiya və Seysmologiya İnstitutu (Phivolcs) zəlzələnin Mindanao adasının ən cənub ucu olan Sarangani əyalətindəki General Santos şəhəri sahillərində baş verdiyini bildirib.

***

Filippinin Mindanao adası sahillərində 8,1 bal gücündə zəlzələ baş verib.

1xeber.media xəbər verir ki, bu barədə Avropa-Aralıq dənizi Seysmoloji Mərkəzi (EMSC) məlumat verib. 

Seysmik hadisə 679.000 əhalisi olan General Santos şəhərindən 51 km məsafədə baş verib. Zəlzələnin mənbəyi 10 km dərinlikdə yerləşib.

Filippin Vulkanologiya və Seysmologiya İnstitutu (PHIVOLCS) zəlzələyə cavab olaraq sunami xəbərdarlığının verildiyini açıqlayıb. Qeyd olunur ki, dalğaların hündürlüyü normadan 1 metrə qədər yüksək ola bilər.