Sorğuda iştirak edən rusların 73%-i Putinə etibar edir

Rusların 73%-i Rusiya Prezidenti Vladimir Putinə etibar edir və respondentlərin 75%-i dövlət başçısının öz vəzifələrini uğurla yerinə yetirdiyinə inandıqlarını bildirib.

1xeber.media xəbər verir ki, bu, 12 iyun tarixində İctimai Rəy Fondunun (FOM) rəsmi saytında dərc olunmuş məlumatlardan irəli gəlir.

Respondentlərin 46%-i Rusiya hökumətinin fəaliyyətini müsbət qiymətləndirib. Bu arada, respondentlərin 52%-i Baş nazir Mixail Mişustinin vəzifəsində yaxşı nəticələr göstərdiyinə inanır.

"Vahid Rusiya" partiyasına dəstək 36%, Rusiya Liberal Demokrat Partiyasına (LDPR) 12%, Rusiya Federasiyası Kommunist Partiyasına (KPRF) 8%, "Yeni İnsanlar"a 6% və "Ədalətli Rusiya"ya 3% təşkil edib. 5-7 iyun tarixlərində keçirilən sorğuda 1500 respondent iştirak edib.