Seçki qalmaqalı: Karapetyanın bloku nəticələri tanımır

1xeber.media xəbər verir ki, iş adamı Samvel Karapetyanın "Güclü Ermənistan" blokunun nümayəndələri 12 iyunda parlament seçkilərinin nəticələrinin etibarsız sayılması üçün ərizə təqdim etmək məqsədilə Mərkəzi Seçki Komissiyasına (MSK) gəliblər.

Blok üzvü Aram Vardevanyan bildirib ki, "Hazırda MSK-ya seçkilərin nəticələrinin etibarsız sayılması üçün ərizə təqdim edirik".

Onun sözlərinə görə, ərizə təkcə seçki günü baş verən qanun pozuntularına deyil, həm də 7 fevralda başlayan bütün seçki kampaniyasına aiddir. Vardevanyan həmçinin qeyd edib ki, hətta ATƏT/DTİHB-nin məlumatına görə, bu seçkilər 2021-ci il səsverməsindən daha pis olub.