Kadırovun oğluna yeni titul verildi

Çeçenistan rəhbərinin oğlu, Respublika Təhlükəsizlik Şurasının katibi, 18 yaşlı Adam Kadırova Çeçenistan Respublikasının Qəhrəmanı adı verilib. Medalı ona atası, bölgə rəhbəri Ramzan Kadırov təqdim edib.

1xeber.media xəbər verir ki, bu barədə Çeçenistan hökumətinin sədri Maqomed Daudova məlumat yayıb.

"Bu mükafat Adam Ramzanoviçin vətənpərvərliyinin, məsuliyyətinin və vətəninə sədaqətinin layiqincə qiymətləndirilməsidir. Adam öz işi ilə hər gün Vətənə və xalqın maraqlarına xidmət etməyin yüksək prinsiplərinə sadiqliyini nümayiş etdirir", - Daudov bildirib.

Regional hökumətin rəhbəri qeyd edib ki, Adam Kadırov bu adı bölgə rəhbərinin fərmanı ilə dövlətə xidmətlərinə, xalqa xidmətinə, xüsusi hərbi əməliyyata (XHƏ) fəal dəstəyinə və Rusiya Günü şərəfinə alıb.

Daha əvvəl Adam Kadırova XHƏ-yə verdiyi töhfəyə görə medal verilib. Məlumata görə, Vladimir Putin adına Rusiya Xüsusi Təyinatlı Qüvvələr Universitetinin kuratoru kimi Kadırov ən vacib hərbi təlim mərkəzlərindən birinin inkişafında fəal iştirak edir.