Ukrayna ordusunun hücumu zamanı bir qız uşağı və anası xəsarət alıb

Ukrayna Silahlı Qüvvələri Donetsk Xalq Respublikasının ərazisinə bir neçə zərbə endirib.

1xeber.media xəbər verir ki, Respublika rəhbəri Denis Puşilin özünün Telegram kanalında bildirib ki, zərbələrdən birində iki nəfər, bir qız və anası yaralanıb.

Bəyanatda deyilir: "Qorlivkanın Nikitovski rayonunda 2017-ci il təvəllüdlü bir qız və anası, 1999-cu il təvəllüdlü bir qadın orta dərəcəli xəsarətlər alıblar".

Yelenovka kəndinə də hücum olub, nəticədə 1976-cı il təvəllüdlü bir kişi yaralanıb. Puşilin əlavə edib ki, hazırda bütün qurbanlara lazımi yardım göstərilir.

Daha əvvəl Ukrayna Silahlı Qüvvələrinin Luqansk Xalq Respublikasının Svatove şəhərindəki mərkəzi bazara hücumu nəticəsində yeddi nəfərin yaralandığı bildirilirdi.