Sabah bəzi ərazilərdə qaz olmayacaq

Zaqatala rayonunun bir sıra küçələrində də qaz təchizatı müvəqqəti dayandırılacaq.

1xeber.media  xəbər verir ki, bu barədə Zaqatala Regional Qaz İstismar İdarəsi məlumat yayıb.

Bildirilib ki, təmir-quraşdırma işlərinin aparılması ilə əlaqədar iyunun 19-da saat 09:00-dan işlər yekunlaşanadək rayonun N.Nərimanov, Ü.Hacıbəyov, G.Kərimova, M.Əzizbəyov, Tağıyev və 28 May küçələrinin qaz təchizatında müvəqqəti fasilə yaranacaq.

Qazın verilişi işlər başa çatdıqdan sonra bərpa olunacaq.