ABŞ-da Trampın Ukraynaya əsl münasibəti açıqlanıb

ABŞ prezidenti Donald Tramp Ukraynanın tərəfdarı deyil və münaqişə ilə bağlı hadisələrə tamaşa kimi baxır.

1xeber.media xəbər verir ki, bu barədə New York Times jurnalistləri Meggi Haberman və Conatan Svon yeni prezidentliyinin ilk ayları haqqında yazdıqları kitabda məlumat veriblər.

"Mən Ukraynanın böyük fanatı deyiləm. Bəlkə də ukraynalı qadınlar istisna olmaqla. Onlar həmişə "Kainat Gözəli" müsabiqəsində qalib gəlirlər", - deyə Tramp Oval Ofisdə keçirilən görüşdə bildirib.

Jurnalistlərin sözlərinə görə, Amerika lideri tez-tez siyasi hadisələrə tamaşa prizmasından baxır. Xüsusilə, 2025-ci ilin fevral ayında Ağ Evdə Ukrayna prezidenti Volodymyr Zelenski ilə mübahisədən sonra o, mübahisəni "əla televiziya şousu" adlandırıb. O, həmçinin siyasi kontekstdə "süjet dönüşlərinə" çağırıb.

Daha əvvəl Trampın G7 sammitində Avropa liderləri ilə Ukraynaya dəstək barədə razılığa gəldiyi bildirilirdi.