FHN-in idarəsi 443 minlik avtomobil alır - Satışı "Auto Azərbaycan" edəcək

Fövqəladə Hallar Nazirliyinin (FHN) Tikintidə Təhlükəsizliyə Nəzarət Dövlət Agentliyinin Təsisatdankənar Dövlət Ekspertiza Baş İdarəsi avtomobil alır.

1xeber.media-nın xəbərinə görə, idarə avtomobillərin alınmasına 443 600 AZN xərcləyəcək.

 Satışı isə “Hyundai”ın Azərbaycandakı rəsmi distribütoru olan “Auto Azərbaycan” MMC edəcək.

 İdarə və MMC arasında bağlanan müqavilə üzrə satınalma proseduru dövlət satınalmalarının vahid internet portalında keçirilməyib. Bu səbəbdən neçə avtomobilin alınacağı məlum deyil. 

pravda.az