Tramp İrana tuşlanmış min raket barədə açıqlama verib

Tramp bu barədə Truth Social sosial şəbəkəsində paylaşım edib.

ABŞ liderinin sözlərinə görə, artıq min raket tam döyüş hazırlığı vəziyyətinə gətirilib və İran İslam Respublikasını hədəf alıb.

“Tam döyüş hazırlığında olan min raket İran İslam Respublikasına tuşlanıb. İran hökuməti dünyanın müxtəlif yerlərində səsləndirdiyi təhdidi – ABŞ-ın fəaliyyətdə olan prezidentini öldürmək və ya buna cəhd etmək niyyətini həyata keçirərsə, onların ardınca daha minlərlə raket gələcək”, – deyə Tramp yazıb.

O əlavə edib ki, ABŞ Silahlı Qüvvələri artıq müvafiq göstəriş alıb və zərurət yaranacağı təqdirdə İrana qarşı genişmiqyaslı hərbi əməliyyat keçirməyə hazırdır.

Xatırladaq ki, Tramp bundan əvvəl də bəyan etmişdi ki, İrandan ona qarşı sui-qəsd ediləcəyi təqdirdə administrasiyasına ölkəyə qarşı hərbi zərbələr endirilməsi ilə bağlı əvvəlcədən göstəriş verib.

Qeyd: Trampın açıqlamaları onun şəxsi bəyanatına əsaslanır. Bu iddialarla bağlı İran tərəfinin mövqeyi və ya müstəqil təsdiq təqdim olunmayıb.