FİFA: İngiltərənin ilk qolu qaydalar çərçivəsində vurulub

İngiltərə-Norveç oyununda Cud Bellinqemin vurduğu ilk qol zamanı avtomatik toxunma aşkarlama sistemi heç bir xarici müdaxilə aşkar etməyib.

1xeber.media-nın xəbərinə görə, bu barədə Beynəlxalq Futbol Federasiyaları Assosiasiyasının (FİFA) Mətbuat xidməti məlumat yayıb.

Bildirilib ki, avtomatik toxunma aşkarlama sisteminə malik yüksək texnologiyalı topun daxilindəki daxili sensorlar hər toxunuşu izləyir və hakimlərə potensial ofsaydlar, əl topları və digər mübahisəli vəziyyətlər barədə qərar verməyə kömək edir. Məlumat real vaxt rejimində video köməkçi hakimlərə ötürülür.

Qeyd edək ki, futbol üzrə dünya çempionatının 1/4 final mərhələsində İngiltərə yığması əlavə vaxtda Norveçi 2:1 hesabı ilə məğlub edib. İngilislərin hər iki qolunu Cud Bellinqem vurub.