Moskva–Kalininqrad reysi gecikdi, sərnişinlər səbəbdən narazıdır

1xeber.media xəbər verir ki, Moskvanın Domodedovo hava limanında Moskva–Kalininqrad reysinin sərnişinləri uçuşun gecikməsinin səbəbi ilə bağlı qeyri-müəyyən açıqlamadan narazılıq ediblər.

Məlumata görə, sərnişinlər əvvəlcə reysin hava məkanında tətbiq olunan "Kover" planı səbəbindən gecikdiyini bildiriblər. Daha sonra isə aviaşirkətin çat qrupunda uçuşun "istehsalat zərurəti" səbəbindən təxirə salındığı barədə məlumat paylaşılıb.

Lakin sərnişinlərə bu ifadənin konkret nəyi nəzərdə tutduğu izah edilməyib. Onların sözlərinə görə, eyni aviaşirkətin eyni istiqamətə daha gec planlaşdırılan digər reysləri artıq həyata keçirilib.

Hazırda Domodedovo hava limanında təyyarələrin eniş və qalxışı yalnız müvafiq razılaşdırmadan sonra həyata keçirilir. Məhdudiyyətlər fonunda ən azı 12 reysin gecikdiyi bildirilir.

Xatırladaq ki, bundan əvvəl Moskvanın Vnukovo hava limanında beynəlxalq uçuşlar terminalında yanğın siqnalizasiya sisteminin işə düşməsi səbəbindən sərnişinlərin təxliyə edildiyi açıqlanmışdı.