“Messinin daha bir DÇ-də iştirak etməsi məni təəccübləndirməz”

Argentina millisinin baş məşqçisi Lionel Skaloni bildirib ki, komanda kapitanı Lionel Messinin daha bir Dünya Çempionatında iştirak etməsi onu təəccübləndirməz.

1xeber.media xəbər verir ki, onun fikirlərini “Olé” nəşri yayımlayıb.

“Bilmirəm. Heç bir fikrim yoxdur. Bunu ondan soruşmalısınız. Bu, mənə veriləcək sual deyil. Messi canlı əfsanədir, tarixin bir hissəsidir. Haqqında danışdığım bu şəxslə fəxr edirəm. O, 39 yaşında finala çıxmağı bacarıb – bu, inanılmazdır! Məhz buna görə də Leonun etdiklərinin dəyərini bilməyin vacibliyindən danışıram”, – deyə Skaloni bildirib.

Qeyd edək ki, Argentina və İspaniya arasında 2026-cı il Dünya Çempionatının finalı iyulun 19-da keçiriləcək. Cari turnirdə Messi səkkiz qol vurub və bombardirlər yarışında liderlik edir.