Rusiyalı qadını avtobusda zəhərli hörümçək dişləyib

1xeber.media xəbər verir ki, Tatarıstanda şəhərətrafı avtobusda gedən qadını zəhərli hörümçək dişləyib. Bu barədə Shot Telegram kanalı məlumat yayıb.

Məlumata görə, 29 yaşlı Güzel Kazana gedərkən sağ əlinin orta barmağında ağrılı dişləmə hiss edib. İlk olaraq o, yarada iynə qaldığı üçün arı sancdığını düşünüb. Lakin bir müddət sonra yaxınlıqda sarı kisəli hörümçək (sarı sak) adlanan zəhərli hörümçəyi görüb.

Bir neçə saat sonra qadının barmağı şişib və güclü ağrılar başlayıb. Güzel təcili xəstəxanaya müraciət edib. Həkimlər ona iynə vurub və antihistamin preparatlar təyin ediblər.

Zərərçəkənin sözlərinə görə, həkimlər əvvəlcə Tatarıstan ərazisində zəhərli hörümçəklərin olmadığını söyləməyə çalışıblar.

Mütəxəssislərin məlumatına görə, sarı kisəli hörümçəyin dişləməsi adətən ölümcül hesab edilmir, lakin onun zəhəri şişkinliyə və güclü ağrılara səbəb ola bilər.

Xatırladaq ki, bundan əvvəl zooloq və heyvan müdafiəçisi Robert İrvin dünyanın ən təhlükəli hörümçək növünü açıqlamışdı. Onun sözlərinə görə, ən çox Sidneydə yaşayan huni hörümçəklərindən ehtiyat etmək lazımdır.

Qeyd: Məqalədəki məlumatlar yayılan xəbərə əsaslanır.