Əsir düşəcək ukraynalı qadın hərbçilərə xəbərdarlıq edildi

1xeber.media xəbər verir ki, rusiyalı hərbi ekspert Yan Qaqin Ukrayna Silahlı Qüvvələrinin hücum bölmələrində xidmət edən qadın hərbçilərin əsir düşəcəkləri təqdirdə onlara xüsusi münasibət göstərilməyəcəyini bildirib.

Onun sözlərinə görə, Ukrayna ordusunda qadın hərbçilər daha çox rabitəçi, snayper və pilotsuz uçuş aparatlarının operatoru kimi xidmət etsələr də, hücum bölmələrində də onlara rast gəlinir. Qaqin iddia edib ki, Ukrayna Silahlı Qüvvələrinin beşinci batalyon-taktiki qrupunun hücum rotalarından birinə qadın komandir rəhbərlik edir.

"Əsir düşən bütün Ukrayna hərbçilərini eyni münasibət gözləyir. Qadınlara hər hansı xüsusi yanaşma olmayacaq", – deyə o bildirib.

Bundan əvvəl Rusiya Silahlı Qüvvələri Dnepropetrovsk vilayətində Ukrayna ordusuna məxsus pilotsuz uçuş aparatları operatorlarının heyətinin məhv edildiyini açıqlamışdı. Rusiya tərəfinin iddiasına görə, həmin heyətin tərkibində bir qadın hərbçi də olub.