Konsolu satmazdan əvvəl məlumatları silməmək təhlükə yaradır

1xeber.media xəbər verir ki, oyun konsolunu satarkən və ya atarkən cihazdakı şəxsi məlumatları silməmək təhlükəli ola bilər.

BGR nəşrinin məlumatına görə, oyun konsolları uzun müddət istifadə edildiyi üçün tez-tez ikinci əl bazarında satılır. Mütəxəssislər xəbərdarlıq edirlər ki, cihazı satmazdan əvvəl bütün şəxsi məlumatları silmək və hesablarla əlaqəni kəsmək vacibdir.

Bildirilib ki, yeni sahib konsolda saxlanılan məlumatlara çıxış əldə edə bilər. Buraya ödəniş məlumatları, əvvəlki istifadəçinin ünvanı, yüklənmiş şəkillər və digər şəxsi məlumatlar daxil ola bilər.

Nəşrin müəllifləri bu məlumatların silinməməsini “ciddi səhv” adlandıraraq qeyd ediblər ki, cihazı əldə edən şəxs nəzəri olaraq bu məlumatlardan oyunları oğurlamaq və digər qanunsuz məqsədlər üçün istifadə edə bilər.

Mütəxəssislər həmçinin istifadəçilərə konsolda şəxsi hesablarını açıq saxlamamağı, bütün profillərdən çıxış etməyi və cihazı tam sıfırlamağı tövsiyə ediblər. Bildirilib ki, bəzi hallarda Sony və ya Nintendo eyni hesabın bir neçə konsolda istifadəsi və ya şübhəli fəaliyyət səbəbilə hesabları bloklaya bilər.

Qeyd edək ki, iyulun 1-də Sony 2028-ci ildən etibarən PlayStation konsolları üçün fiziki oyun disklərinin istehsalını dayandıracağını açıqlayıb. Şirkət bu qərarı oyunçuların fiziki daşıyıcılara marağının azalması ilə izah edib.