TƏBİB-in rəhbəri daha bir baş həkimi işdən çıxardı

Xətai rayonundakı 7 saylı Şəhər Poliklinikasının baş həkimi vəzifəsindən azad edilib.

Bakının Xətai rayonunda yerləşən 7 saylı Şəhər Poliklinikasının baş həkimi Səfərova Şəlalə Zakir qızı vəzifəsindən azad edilib.

1xeber.media xəbər verir ki, bu barədə “Unikal” məlumat yayıb.

Bildirilib ki, bununla bağlı TƏBİB-in İcraçı direktoru Anar Bayramov müvafiq əmr imzalayıb.

Məlumata görə, hazırda 7 saylı Şəhər Poliklinikasının baş həkimi vəzifəsinə yeni təyinat həyata keçirilməyib.

Rəsmi qurum tərəfindən vəzifədən azad olunmanın səbəbi ilə bağlı hələlik açıqlama verilməyib.