Qazaxıstanda Tokayevin Ukrayna münaqişəsinin dondurulmasına marağı açıqlanıb

Bu barədə qazaxıstanlı politoloq, “Beynəlxalq Sosiologiya və Siyasət İnstitutu” ictimai fondunun direktor müavini Marat Şibutov açıqlama verib.

Ekspert bildirib ki, qısa müddətdə münaqişə fonunda ölkənin bəzi iqtisadi göstəricilərində artım müşahidə olunsa da, Qazaxıstan ərazisindəki obyektlərə hücumların artması Astana üçün ciddi problem yarada bilər.

“Qazaxıstanda görürlər ki, müasir münaqişələrdə, məsələn, İranın ABŞ və İsraillə qarşıdurmasında kənar ölkələr də zərər çəkir və itkilərlə üzləşir. Əlbəttə, qısa müddətdə bəzi iqtisadi göstəricilərimiz artıb. Amma əgər ərazimizə müntəzəm olaraq dron hücumları başlasa, bu artıq problem olacaq”, – deyə Şibutov bildirib.

Qeyd edək ki, iyulun 25-də Qazaxıstan Prezidenti Kasım-Jomart Tokayev Rusiya Prezidenti Vladimir Putinə Ukraynadakı münaqişənin dondurulması çağırışı edib. O, atəşin dayandırılması və İstanbul razılaşmalarına qayıdılması təklifini Omsk şəhərində keçirilən XXII Rusiya-Qazaxıstan Regionlararası Əməkdaşlıq Forumu çərçivəsində səsləndirib.

Qeyd edək ki, materialda yer alan fikirlər qazaxıstanlı politoloq Marat Şibutovun qiymətləndirmələrinə əsaslanır.