Qazaxıstan Energetika Nazirliyi: KTK sutkada 100 min ton neft qəbul edir

1xeber.media xəbər verir ki, Qazaxıstan Energetika Nazirliyi Xəzər Boru Kəməri Konsorsiumunun (KTK) hazırda sutkada təxminən 100 min ton neft qəbul etməyə davam etdiyini açıqlayıb.

Nazirlikdən bildirilib ki, KTK-nın fəaliyyətinin tam dayandırılması gündəmdə deyil. Qeyd olunub ki, nəql həcmlərinin gələcəkdə artırılması dəniz terminalında tankerlərin vaxtında yüklənməyə cəlb edilməsindən asılı olacaq.

“Energetika Nazirliyi KTK və yük göndərən şirkətlərlə daimi əlaqə saxlayır. Mövcud vəziyyət nəzarət altındadır”, – deyə nazirliyin açıqlamasında bildirilib.

Xatırladaq ki, daha əvvəl Qazaxıstanın Rusiya neftinin ölkə ərazisindəki neft emalı zavodlarında emalı ilə bağlı Moskva ilə danışıqlar apardığı barədə məlumat yayılmışdı.