Tula üzərində kütləvi PUA hücumu: mərkəzdə yanğın baş verdi

1xeber.media xəbər verir ki, Ukrayna Silahlı Qüvvələrinə məxsus pilotsuz uçuş aparatı Rusiyanın Tula vilayətində yerləşən çeşidləmə mərkəzinə düşüb və nəticədə obyektdə yanğın baş verib.

Bu barədə Tula vilayətinin qubernatoru Dmitri Milyayev məlumat verib.

Onun sözlərinə görə, hadisə yerinə operativ xidmətlər və yanğınsöndürmə briqadaları cəlb olunub, alovun söndürülməsi istiqamətində işlər davam etdirilir.

Milyayev əlavə edib ki, pilotsuz uçuş aparatları təhlükəsi dövründə hava hücumundan müdafiə qüvvələri ümumilikdə 107 Ukrayna PUA-sını məhv edib.

1xeber.media bildirir ki, hadisənin təfərrüatları və dəymiş ziyanın miqyası ilə bağlı rəsmi məlumatların dəqiqləşdirilməsi davam edir.