İran Hörmüz boğazının açılması üçün ABŞ-a şərtləri təqdim edib

İranın YMNŞ-si: ABŞ vasitəçilər vasitəsilə İranın Hörmüz boğazının açılması ilə bağlı şərtlərini alıb

ABŞ İranın Hörmüz boğazının açılması ilə bağlı şərtlərini vasitəçilər vasitəsilə əldə edib. Bu barədə İran İslam Respublikasının Ali Milli Təhlükəsizlik Şurasının (AMTŞ) katibi Möhsün Rzai bildirib. Məlumatı Tasnim agentliyi yayıb.

Rzai vurğulayıb: “ABŞ müharibəni dayandırmalı, İranın dondurulmuş vəsaitlərini qaytarmalıdır. Ümumilikdə regionda, o cümlədən Livanda və Qəzzada müharibə dayandırılmalıdır. Bundan əlavə, vasitəçilər vasitəsilə digər şərtlər də ABŞ-a çatdırılıb.”

Onun sözlərinə görə, ABŞ “davranışını dəyişməyənə” və irəli sürülən şərtləri qəbul etməyənə qədər Hörmüz boğazı açılmayacaq.

Daha əvvəl ABŞ Prezidenti Donald Tramp amerikalıların Hörmüz boğazına nəzarət etdiyini və İranın dəniz blokadasını davam etdirdiklərini bildirmişdi. Trampın sözlərinə görə, İran gəmilərin hərəkətinə yalnız müəyyən maneələr yarada bilər.