Türkiyədən Lavrovun tənqidinə cavab

1xeber.media xəbər verir ki, türkiyəli politoloq Həsən Səlim Özertem Ankaranın Ukrayna məsələsində mövqeyinin NATO ilə bağlılığından asılı olmadığını bildirib.

Ekspertin sözlərinə görə, Türkiyə 2022-ci ildən etibarən Ukrayna üzrə sülh təşəbbüslərini ardıcıl şəkildə dəstəkləyir və bu mövqe onun NATO üzvlüyünə və Kiyevi dəstəkləyən bəyanatlara qoşulmasına mane olmur.

Özertem qeyd edib ki, Türkiyə 2022-ci ildə İstanbulda Rusiya və Ukrayna arasında danışıqların təşkilində, həmçinin taxıl tədarükü və hərbi əsirlərin mübadiləsi ilə bağlı razılaşmaların əldə olunmasında vasitəçilik edib.

Bundan əvvəl Rusiyanın xarici işlər naziri Sergey Lavrov Türkiyənin sülh təşəbbüsləri ilə yanaşı, NATO-nun Ukraynanın “ərazi bütövlüyünə” dəstək verən sənədlərinə qoşulmasını tənqid etmişdi.