Medvedevdən Rusiyanı tərk edənlərə sərt mesaj: “Bağışlanmayacaqlar”

Rusiya Təhlükəsizlik Şurasının sədr müavini Dmitri Medvedev Rusiyanı tərk edən və ölkənin məğlubiyyətini arzulayan şəxslərin bağışlanmayacağını bildirib.

1xeber.media xəbər verir ki, Medvedev bu barədə açıqlamasında danışıb. Onun sözlərini TASS yayıb.

Medvedevin sözlərinə görə, Rusiyanı tərk edən və ölkəyə qarşı çıxış edən şəxslər xaricdə “sürgün həyatı” yaşayır və Rusiyanın müharibədə məğlub olmasını arzulayırlar.

“Onlara bağışlanma yoxdur və ola da bilməz”, – deyə Medvedev bildirib.

O, həmçinin Rusiyanı tərk edən şəxslərin bir qismini ölkəyə qarşı mövqe tutmaqda ittiham edib.

Medvedevin bu açıqlaması Rusiyada ölkəni tərk edən və müharibəyə qarşı mövqe sərgiləyən şəxslərlə bağlı sərt ritorikanın davamı kimi qiymətləndirilir.