Moskva Lukaşenkonun səfərinə hazırlaşır

1xeber.media xəbər verir ki, Moskva Belarus Prezidenti Aleksandr Lukaşenkonun Rusiyaya planlaşdırılan səfərinə hazırlıq görür.

Bunu Rusiya prezidentinin mətbuat katibi Dmitri Peskov açıqlayıb. O, Kremlin Lukaşenkonun səfərinə hazırlaşıb-hazırlanmadığı barədə suala “Bəli, hazırlıq gedir” cavabını verib.

Lukaşenko daha əvvəl Rusiya Prezidenti Vladimir Putin və Baş nazir Mixail Mişustinlə görüşəcəyini açıqlamışdı.

Qeyd edək ki, Belarus lideri avqustun 25-də Rusiyanın baş nazirinin birinci müavini Denis Manturovu Minskdə qəbul edib. Görüş zamanı İttifaq dövləti gündəliyi müzakirə olunub. Lukaşenko həmçinin Manturovu Xalqlar Dostluğu ordeni ilə təltif edib.