ABŞ: Avropa öz müdafiəsinə cavabdeh olmalıdır

1xeber.media xəbər verir ki, ABŞ müdafiə nazirinin siyasi məsələlər üzrə müavini Elbric Kolbi Avropanın öz müdafiəsinə görə əsas məsuliyyəti üzərinə götürdüyünü və Ukraynaya dəstəkdə aparıcı rol oynadığını bildirib.

Kolbi NATO-nun baş katibi Mark Rütte ilə görüşündə Avropanın kifayət qədər zəngin qitə olduğunu və öz müdafiəsinin əsas məsuliyyətini daşıya biləcəyini deyib.

Bununla yanaşı, o, ABŞ-ın NATO qarşısındakı öhdəliklərinə sadiq qaldığını vurğulayıb.

Daha əvvəl NATO-ya üzv Şərqi Avropa ölkələrinin ABŞ hərbçilərinin regiondakı mövcudluğu ilə bağlı xərclərin daha böyük hissəsini öz üzərinə götürməyi təklif etdiyi bildirilmişdi.